究竟佢地有幾friend?

2007年下水禮

呢次係今年第一次狗狗下水禮
日期: 2007年5月25日
地點: 屋企行出去個石灘
狗狗: 星仔, 晴晴, 波子, 樂諾, 豆豆
人物: 蛇生, 蛇太, 局長, 波波, 豬大點
落咗水既晴晴:

濕水史納沙樂諾:

濕水哥基波子:

濕水芝娃娃豆豆:

點解我會養貓貓?

點解我養養下狗會養貓貓? 咁真係要問下呢隻Shomo點解生得咁鬼得意啦.

事緣六年前, 我去一個做醫生既朋友屋企, 見到佢新養咗隻四個月大既貓貓, 個樣不知幾趣緻, 其實之前我未接觸過貓架, 無諗過貓可以好似隻毛公仔咁, 佢話呢隻貓, 係佢一個朋友隻狗叼番來俾佢主人既, 呢隻狗狗一向都會喺街叼d流浪小貓小狗俾個主人, 今次就喺大浪灣俾佢發現到Shomo喇 (查實Shomo咁靚, 我思疑佢係有屋企既, 可能只係行出門口曬個太陽, 無啦啦俾隻狗仔叼咗去啫, 唔該大家唔好報串我呀, 我唔可以無咗Shomo).
狗主人將Shomo (本來叫”Barry”, 後改名”牛牛”) 送俾我呢個醫生朋友 (其實我當時心裏面已經盤算緊點樣拎呢隻貓貓返屋企

), 點知我朋友話呢隻貓好嘈, 我朋友平時唔俾佢入房, 但朝朝佢一聽到我朋友鬧鐘響, 就會喺廳大叫, 唔俾我朋友番瞓.

機會來啦:
我朋友問: 你係咪鍾意佢, 你鍾意俾你啦, 還掂我嫌佢嘈. 嘩

, 仲唔lur飯應咩? 我朋友仲車埋我同Shomo返我屋企呀, 自此佢就成為咗我最錫既貓貓啦.

我幫佢改名為Shomo, 係上海話”小貓”既意思, 我唔鍾意”牛牛”呢個名.
Shomo仲為我帶來另外三個仔同兩個女tim, 遲d逐個介紹啦.
順帶一提: Shomo真係好嘈, 佢超多野講, 又鍾意駁嘴, 花名叫”多口仔”, 仲有個乳名叫”麼麼”.

你睇衰Shomo細個個樣係咪好得人鍾意?

Shomo大個咗啦, 仲變咗個肥仔呀.

大哂冷!!!

今年收獲真不錯呢, 大部份都是我最愛的兔兔, 竟然還收到一部Wii, 真想不到, 只怕沒有時間玩.

這是舊同事送的兔兔用品, 其實我本身都買了, 不過收到這一份也不錯.

這是朋友送的兔兔精油燈, 很美.

朋友又送了這對杯, 我家中好像有超過十隻兔兔杯, 不過又沒有這一對.

朋友送的兔兔碗, 連一個好精緻的木盒, 也是我沒有的.

朋友送的兔兔銀包, 之前自己也想買, 嫌貴, 現在有了.

多謝大家 !!!

收到來自唔同地方既手信

係小萍同雞泡魚分別响日本同台灣帶返來俾我架, 非常鍾意, 尤其係Peter Rabbit個盒仔, 我真係好多謝班朋友, 佢哋不論去邊都會記得我隻兔仔.

當晚既收獲當然唔止咁少啦, 不過都係要等大日子過埋先一次過哂冷!

又學識一樣野

成日見到人地d相整到咁靚, 於是我又上網搵資料, 卒之俾我免費download到一個software, 可以整靚靚相, 呢張係第一張製成品, 你地覺得點?

仲有一張

Shomo幫麥記賣廣告?

今朝起身, 發現Shomo個鼻污糟咗(佢呢排個鼻成日都好污糟), 睇真d, 點解有個M字既?

Shomo, 你幫麥記賣廣告呀? 有無收返錢架? 唔好蝕喎.

**我要澄清, 個M字唔係我畫, 我先無咁得閒扮哂野又影相又post上blog啦, d人都唔用腦諗下既**

倒數了, 倒數了

嘿…嘿…嘿…

你離開了二十二年了

二十二年前, 我在課室聽到一個我當時並不相信的消息: 翁美玲死了. 沒可能, 好端端怎會死的?
我還記得我放學回家途中, 該期香港電視還是她做封面, 我立即買來看, 天真得以為雜誌有她做封面, 她就一定還未死.

結果回家看午間新聞時, 從報導員口中證實她的死亡, 我立刻跑到媽媽房間, 以為自己會哭, 所以躲起來, 但我沒有哭, 她只是一個我喜歡的演員, 對她的死亡, 我感到可惜, 但並不至於要哭.
就是這本香港電視

今天, 還有人去看她呢, 她是一顆星, 永遠都是.

有無見過咁既貓貓

係咪好靚呢? 呢隻貓貓係我响灣仔返工時發現既, 我暗地裏幫佢改咗個名叫”亞花”, 覺得呢個名好襯佢, 後來佢爸爸話佢原來叫”貓仔”, 佢身上所有裝飾都係佢媽媽親手整架, 幾好心機.
唔知响灣仔返工既人有無見過佢呢, 如果想搵貓仔, 就去告士打道同菲林明道交界間藥房, 佢成日坐响門口架.

有一樣野仲估唔到, 原來呢隻睇來無咩特色既貓貓, 係識俾hand hand架, 非常厲害!