你離開了二十二年了

二十二年前, 我在課室聽到一個我當時並不相信的消息: 翁美玲死了. 沒可能, 好端端怎會死的?
我還記得我放學回家途中, 該期香港電視還是她做封面, 我立即買來看, 天真得以為雜誌有她做封面, 她就一定還未死.

結果回家看午間新聞時, 從報導員口中證實她的死亡, 我立刻跑到媽媽房間, 以為自己會哭, 所以躲起來, 但我沒有哭, 她只是一個我喜歡的演員, 對她的死亡, 我感到可惜, 但並不至於要哭.
就是這本香港電視

今天, 還有人去看她呢, 她是一顆星, 永遠都是.

有無見過咁既貓貓

係咪好靚呢? 呢隻貓貓係我响灣仔返工時發現既, 我暗地裏幫佢改咗個名叫”亞花”, 覺得呢個名好襯佢, 後來佢爸爸話佢原來叫”貓仔”, 佢身上所有裝飾都係佢媽媽親手整架, 幾好心機.
唔知响灣仔返工既人有無見過佢呢, 如果想搵貓仔, 就去告士打道同菲林明道交界間藥房, 佢成日坐响門口架.

有一樣野仲估唔到, 原來呢隻睇來無咩特色既貓貓, 係識俾hand hand架, 非常厲害!

豈有此理, 邊有人咁渣車架?

陰功咯!!! 有無攪錯, 你睇我小紅幾慘! 俾D衰人撞到變哂形, 仲要唔肯賠錢, 三千蚊都話貴, 大佬, 明明係你CUT線撞到我架車, 唔通要我自己出錢整呀? 不過唔緊要, 唔肯和解咪法庭見囉, 最多咪告你不小心駕駛, 罰下錢, 扣5分啫, 不過小紅d湯藥費我claim硬你.

冬瓜同媽媽撐腳仔

瞓醒發現有野頂住隻腳

 

再睇真D

 

原來係冬瓜豬

 

嗱嗱啦, 點解你成日都咁得意既?

今日冬瓜豬睡相

蝦頭豬睇醫生

前一排, 發現有一隻貓貓痾血和痾爛爛, 但搵唔到係邊隻, 直到一次我剛見到蝦頭响貓砂盆行出來, 之後我清潔砂盆, 又見到新鮮爛爛, 於是懷疑係佢.
前兩日, 蝦頭突然嘔, 佢平時好少嘔架, 最攪笑係佢响貓樹頂嘔, 剛剛冬瓜响下隔, 伸個頭出來八卦, 結果不用多說, 冬瓜個頭中哂招.


昨日, 我帶蝦頭去睇醫生, 順便睇埋佢over-licking既問題, 唉! 淨係塞佢入個袋已經要集我同豬二人既力量, 之後已經坐私家車去, 仲閂哂車窗, 費事嘈, 但隻衰蝦依然叫得好凄慘, 佢真係好唔鍾意出街呀.
個醫生好好, 睇得好詳細, 初步話佢無皮膚病, 應該係行為病, 可能同搬屋有關, anyway, 我都決定幫佢做個blood test, 求個安心.
我又要求醫生即時餵佢食杜蟲藥, 因為返到屋企, 我自己餵唔到, 結果, 連護士加醫生都餵唔到, 隻衰蝦發哂癲, 後來醫生幫佢用外滴杜蟲藥, 但貴好多, 粒杜蟲藥仲因為掂過佢d口水, 姑娘要我地買埋.

哈哈, 今晚開始要餵佢食antibiotics同胃酸藥, 好戲在後頭.
註: 醫生無講, 但姑娘話佢唔開心, 可能係唔鍾意同其他貓貓share個砂盆, 我決定買多一個新既俾佢地用.
蝦豬, 快d生番d毛啦.

寶寶走了...

昨天, 2007年4月15日, 寶寶離開了.

 

 

「你問我愛你有多深 我愛你有幾分
我的情也真 我的愛也真
月亮代表我的心......」

寶寶快d好返啦!

尋日成日都鼻索索, 因為有個網友隻貓貓病了, 患了腎衰竭, 住了院, 貓貓獨自留響醫院, 又辛苦, 又無屋企人響身邊, 聽到心都痛, 都驚有一日我都會面對咁既情況, 希望寶寶快d好返!